ஹோர்முஸ் ஜலசந்தியில் இன்று முன்னதாக, இந்தியக் கொடியிட்ட இரண்டு கப்பல்கள் மீது நடத்தப்பட்ட துப்பாக்கிச்சூடு சம்பவம் குறித்து இந்தியா தனது ஆழ்ந்த கவலையைத் தெரிவித்துள்ளது. இந்திய வெளியுறவு அமைச்சகம், இந்தியாவிற்கான ஈரான் தூதர் டாக்டர் முகமது ஃபத்தாலியை அழைத்து, வெளியுறவுச் செயலாளர் விக்ரம் மிஸ்ரியுடன் சந்திப்பை ஏற்பாடு செய்தது.
இச்சந்திப்பின் போது, இந்தியக் கொடியிட்ட இரண்டு கப்பல்கள் மீது நடத்தப்பட்ட துப்பாக்கிச்சூடு சம்பவம் குறித்து இந்தியாவின் ஆழ்ந்த கவலையை திரு. மிஸ்ரி வெளிப்படுத்தினார். வர்த்தகக் கப்பல்கள் மற்றும் கடற்பணியாளர்களின் பாதுகாப்பிற்கு இந்தியா அளிக்கும் முக்கியத்துவத்தை அவர் சுட்டிக்காட்டினார்; மேலும், இந்தியாவை நோக்கி வந்துகொண்டிருந்த பல கப்பல்கள் பாதுகாப்பாகச் செல்ல ஈரான் முன்னதாகவே உதவியிருந்ததை அவர் நினைவுகூர்ந்தார்.
வர்த்தகக் கப்பல்கள் மீது நடத்தப்பட்ட இந்தத் தீவிரமான துப்பாக்கிச்சூடு சம்பவம் குறித்த தனது கவலையை மீண்டும் வலியுறுத்திய வெளியுறவுச் செயலாளர், இந்தியாவின் கருத்துக்களை ஈரான் அதிகாரிகளிடம் தெரிவிக்குமாறும், ஹோர்முஸ் ஜலசந்தி வழியாக இந்தியாவை நோக்கி வரும் கப்பல்கள் பாதுகாப்பாகச் செல்வதற்கு உதவும் செயல்முறையை மிக விரைவில் மீண்டும் தொடங்குமாறும் ஈரான் தூதரை வலியுறுத்தினார். இந்தியாவின் இந்தக் கருத்துக்களை ஈரான் அதிகாரிகளிடம் தெரிவிப்பதாக ஈரான் தூதர் உறுதியளித்ததாக வெளியுறவு அமைச்சகம் தெரிவித்துள்ளது.