தனது செறிவூட்டப்பட்ட யுரேனியத்தை அமெரிக்காவிற்கு மாற்றுவதற்கு ஈரான் உடன்பாடு எட்டியுள்ளதாக அமெரிக்க அதிபர் டொனால்ட் டிரம்ப் கூறியுள்ள கூற்றை ஈரான் நிராகரித்துள்ளதுடன், அதன் வெளியுறவு அமைச்சகமும் இந்தக் கூற்றை வன்மையாக மறுத்துள்ளது. எந்தச் சூழ்நிலையிலும் அத்தகைய நடவடிக்கையை ஈரான் அனுமதிக்காது என்று ஈரான் வெளியுறவு அமைச்சகத்தின் செய்தித் தொடர்பாளர் இஸ்மாயில் பாகாயி கூறினார்.
அமெரிக்காவுடன் நடைபெற்று வரும் பேச்சுவார்த்தைகளில், ஈரானிலிருந்து செறிவூட்டப்பட்ட யுரேனியத்தை கூட்டாக அகற்றி அமெரிக்காவிற்கு கொண்டு செல்லும் திட்டம் உட்பட அனைத்திற்கும் ஈரான் உடன்பாடு எட்டியுள்ளதாக அமெரிக்க அதிபர் டொனால்ட் டிரம்ப் கூறியதைத் தொடர்ந்து பாகாயியின் இந்தக் கருத்துக்கள் வந்துள்ளன.
ஒரு தனி அறிக்கையில், ஹோர்முஸ் ஜலசந்தி குறித்து அமெரிக்க அதிகாரிகள் தெரிவித்த கருத்துக்களையும் பாகாயி விமர்சித்துள்ளார். அவை முரண்பாடானவை என்றும், விரக்தி மற்றும் கையறுநிலையின் அறிகுறி என்றும் அவர் விவரித்துள்ளார்.