கனடா நாடாளுமன்றத் தேர்தல்களின் வாக்கு எண்ணிக்கை இன்னும் நடந்து கொண்டிருக்கிறது, மேலும் ஆளும் லிபரல் கட்சி பெரும்பான்மையைப் பெறுமா என்பது தெளிவாகத் தெரியவில்லை.
கனடாவில், கலைக்கப்பட்ட பார்லிமென்டில் 338 இடங்கள் இருந்தன. அவற்றில் ஆளும் கட்சியான லிப்ரல் கட்சி 153 இடங்களை வைத்திருந்தது. எதிர்க்கட்சிகளின் கூட்டணியான கன்சர்வேட்டிவ் கட்சித் தலைமையில் 120 உறுப்பினர்கள் இருந்தனர். கியூபக் கூட்டணி 33 இடங்களும், என்.டி.பி., கட்சி 24 இடங்களும், பசுமைக் கட்சி இரண்டு இடங்களும் வைத்திருந்தனர். சுயேச்சைகளாக மூன்று எம்பிக்கள் இருந்தனர் என்பது குறிப்பிடத்தக்கது.
இதுவரை அறிவிக்கப்பட்ட 177 இடங்களில் மார்க் கார்னியின் லிபரல் கட்சி 87 இடங்களில் முன்னிலையில் இருக்கிறது. எதிர்க்கட்சியான கன்சர்வேடிவ் கட்சி 75 இடங்களில் முன்னிலை வகிக்கிறது. கியூபக் கூட்டணி 14 இடங்களிலும், என்.டி.பி., கட்சி ஒரு இடத்திலும் முன்னிலையில் இருக்கிறது.
மார்க் கார்னி தனது இடத்தைத் தக்க வைத்துக் கொண்டு பிரதமராகத் தொடர்வார், புதிய அரசாங்கத்தை அமைப்பதற்கும் புதிய அமைச்சரவையை நியமிப்பதற்கும் அவர் பொறுப்பேற்கிறார் என்றே கூறப்படுகிறது. ஆனால் முக்கிய கேள்வி என்னவென்றால், லிபரல்கள் முழுமையான பெரும்பான்மைக்கு போதுமான இடங்களைப் பெறுவார்களா – அல்லது சிறுபான்மை நாடாளுமன்றத்தில் ஆட்சி செய்ய NDP மற்றும் பசுமைக் கட்சியின் ஆதரவை நம்பியிருக்க வேண்டுமா என்பதுதான்.
கனடாவின் அடுத்த பிரதமர் எதிர்கொள்ளும் முக்கிய சவால்களில் ஒன்று – அமெரிக்க ஜனாதிபதி டொனால்ட் டிரம்புடனான உறவுகளை நிர்வகிப்பது. எனவே, கனடாவின் தேர்தல் முடிவுகளில் டிரம்ப் என்ன நிலைப்பாட்டை எடுக்கிறார்? லிபரல் வெற்றியை கணித்ததிலிருந்து அமெரிக்க ஜனாதிபதி அமைதியாக இருந்து வருகிறார். இருப்பினும், கடந்த மாதம் ஃபாக்ஸ் நியூஸுக்கு அளித்த பேட்டியில், “கன்சர்வேடிவ் கட்சியை விட லிபரலுடன் பழகுவது எனக்குப் பிடிக்கும்” என்று டிரம்ப் கூறினார், மேலும் “உண்மையில், ஒரு லிபரலுடன் பழகுவது எளிது என்று நான் நினைக்கிறேன்” என்றும் கூறினார்.