டெல்லி அரசின் ஊழல் தடுப்புப் பிரிவு (ஏசிபி), டெல்லியின் முன்னாள் அமைச்சரும் ஆம் ஆத்மி கட்சித் தலைவருமான சத்யேந்தர் குமார் ஜெயின், டெல்லி ஜல் போர்டின் முன்னாள் தலைமைச் செயல் அதிகாரி உதித் பிரகாஷ் ராய் மற்றும் மேலும் நான்கு பேரைக் கைது செய்துள்ளது. டெல்லி ஜல் போர்டின் கழிவுநீர் சுத்திகரிப்பு நிலையங்களை மேம்படுத்துதல் மற்றும் தரம் உயர்த்துதல் தொடர்பான டெண்டர் செயல்முறையில் முறைகேடுகள் நடந்ததாகவும் மற்றும் குற்றச் சதி தொடர்பாகவும் இந்தக் கைதுகள் செய்யப்பட்டுள்ளது.
விஜிலன்ஸ் இயக்குநரகத்தின் புகாரின் பேரில் அவர்கள் மீது வழக்கு பதிவு செய்யப்பட்டது. விசாரணையின் போது, டெண்டர் செயல்முறையில் ஒரு குறிப்பிட்ட தனியார் நிறுவனத்திற்கு முறையற்ற அனுகூலத்தை வழங்கியதாக தெரியவந்தது. டெண்டர் செயல்முறையைக் கையாளுவதற்காக, தனியார் நபர்கள் சில அரசு ஊழியர்கள் மற்றும் இடைத்தரகர்களுடன் தொடர்ந்து தொடர்பில் இருந்ததாகவும் விசாரணையில் மேலும் தெரியவந்துள்ளது.
ஒரு குறிப்பிட்ட தொழில்நுட்ப நிறுவனத்திற்குச் சாதகமாக ஒப்பந்த நிபந்தனைகளில் செல்வாக்கு செலுத்துவதற்காக, தனியார் நபர்களுக்கும் அரசு அதிகாரிகளுக்கும் இடையே ஒரு தொடர்பு இருந்ததாகக் கூறப்படுவதை இது சுட்டிக்காட்டுவதாக ஊழல் தடுப்புப் பிரிவு (ACB) தெரிவித்துள்ளது. இந்த விசாரணையானது, முழுமையான பணப் பரிவர்த்தனைப் பாதை மற்றும் குற்றம் சாட்டப்பட்ட குற்றத்தின் மூலம் கிடைத்த வருமானம் ஆகியவற்றை ஆராய்ந்து வருகிறது.