டெல்லி கேபிடல்ஸ் அணி, ஒரு அசத்தலான வெற்றி பெற்றது. விசாகப்பட்டினத்தில் நடந்த லக்னோ சூப்பர் ஜெயண்ட்ஸ் அணிக்கு எதிரான போட்டியில், டெல்லி அணி முதல் பத்து ஓவர்களில் ஐந்து விக்கெட்டுகளை இழந்தது, டிசி அணியின் இம்பாக்ட் வீரர், அசுதோஷ் சர்மா, 31 பந்துகளில் ஆட்டமிழக்காமல் 66 ரன்கள் எடுத்து, ஐந்து சிக்ஸர்கள் மற்றும் ஐந்து பவுண்டரிகள் அடித்து, டெல்லி அணிக்கு ஒரு அசாத்தியமான வெற்றியை பெற்று தந்தார்.
டெல்லி கேபிடல்ஸ் டாஸ் வென்று லக்னோ சூப்பர் ஜெயன்ட்ஸ் அணியை முதலில் பேட்டிங் செய்ய அனுப்பியது, மிட்செல் மார்ஷ் அதிரடியாக விளையாடினார். தனது ஆஸ்திரேலிய அணி வீரர் ஸ்டார்க்கை இரண்டு அபார சிக்ஸர்களுடன் அடித்து, அனைவரின் கவனத்தை ஈர்த்தார். அவரது கூட்டாளியான ஐடன் மார்க்ராம் பவர்பிளேக்குள் வெளியேறினாலும், நிக்கோலஸ் பூரன் அவருடன் இணைந்து அருமையாக ஆடினர். இந்த ஜோடியை யாராலும் எளிதாக பிரிக்க முடியவில்லை.
இருவரும் டெல்லி பந்துவீச்சாளர்களை மைதானத்தின் அனைத்து பகுதிகளிலும் பௌண்டரிகளை அடித்தனர். மார்ஷ் தனது அதிரடி ஆட்டத்தைத் தொடர்ந்தார், 36 பந்துகளில் ஆறு சிக்ஸர்கள் மற்றும் ஆறு பவுண்டரிகள் உட்பட அற்புதமான 72 ரன்கள் எடுத்தார், பூரன் கிரீஸுக்கு வந்த தருணத்தில் ஐந்தாவது கியரை அணியில் சேர்த்தார். டிரிஸ்டன் ஸ்டப்ஸுன் ஒரே ஓவரில் பூரன் நான்கு சிக்ஸர்களை அடித்தார். ஆனால் ஸ்டார்க் பூரனின் மிடில் மற்றும் ஆஃப் ஸ்டம்புகளை உடைத்து அவுட் ஆக்கினார்.
லக்னோ முதல் ஆறு ஓவர்களுக்குள் டெல்லி அணியின் முதல் ஐந்து பேட்ஸ்மேன்களை நீக்கி தங்கள் இம்பாக்ட் சப் அசுதோஷ் சர்மாவை சீக்கிரமே பயன்படுத்த கட்டாயப்படுத்தியது. சர்மா மற்றும் டிரிஸ்டன் ஸ்டப்ஸ் கிரீஸில் இருக்கும் போது, டிசி அணிக்கு பெரிய நம்பிக்கை இல்லை.
ஸ்டப்ஸ் சில சிக்ஸர்களை அடித்து ஷாபாஸ் நதீமிடம் வீழ்ந்தார், அறிமுக வீரர் விப்ராஜ் நிகாம் கிரீஸுக்கு வந்து அசுதோஷுடன் ஜோடி சேர்ந்து சிறப்பான பார்னேர்ஷிப்பை வெளிப்படுத்தினர். இந்த ஜோடி நான்கு ஓவர்களுக்குள் 55 ரன்கள் சேர்த்து, ஆட்டத்தை டிசி அணிக்கு சாதகமாக மாற்றியது. இருப்பினும், இறுதியில் இரண்டு விக்கெட்டுகள் விழுந்தன, ஆனால் அசுதோஷ் இறுதி வரை இருந்து கடைசி ஓவரில் ஒரு சிக்ஸர் அடித்து டெல்லி அணிக்கு அற்புதமான வெற்றியை உறுதி செய்தார்.