உக்ரைனுக்கு இணைய ஆதரவிலிருந்து விலகிய எலோன் மஸ்க் – அந்த இடத்தை நிரப்பும் ஜெர்மனி-பிரான்ஸ் கூட்டணி!
உலகளாவிய ஒட்டுமொத்த இணைய ஆதரவாளராக திகழ்ந்த எலோன் மஸ்கின் Starlink நிறுவனம், தற்போது உக்ரைனுக்கு ஆதரவைத் தொடர மறுத்த நிலையில், பிரான்சின் Eutelsat நிறுவனம், ஜெர்மனியின் நிதியுதவியுடன் முக்கிய கட்டத்தில் களமிறங்கியுள்ளது. ரஷ்யா-உக்ரைன் போர் தொடங்கிய பிறகு, உக்ரைன் இராணுவம் மற்றும் அரசமைப்புகள் தகவல் தொடர்பு முறையை தக்கவைத்துக்கொள்வதில் எலோன் மஸ்கின் Starlink இணைய சேவை முக்கிய பங்காற்றியது. செயற்கைக்கோள் அடிப்படையிலான இந்த சேவை, போர்க்களத்தின் நடுவே கூட, இணையத்தை உறுதியாக வழங்கியது. 2022ல் மட்டும், உக்ரைனுக்கான Starlink சேவைக்காக போலந்து அரசாங்கம் 84 மில்லியன் டாலர்ஸ் செலுத்தியது என்பது குறிப்பிடத்தக்கது.
எலோன் மஸ்க் எடுத்த இந்த பின்னடைவான முடிவால், உக்ரைனுக்கு உள்நாட்டு தகவல் தொடர்பு பாதுகாப்பும் சிக்கலடையத் தொடங்கியது. இந்த சூழ்நிலையில், பிரான்சின் Eutelsat நிறுவனம், அதன் அதிவேக செயற்கைக்கோள் இணைய சேவையை உக்ரைனுக்கு வழங்க வருகிறது. இது ஜெர்மன் அரசாங்கத்தின் நிதியுதவியுடன் முன்னெடுக்கப்படும் திட்டமாகும்.
Eutelsat தலைமை நிர்வாக அதிகாரி ஈவா பெர்னெக், “நாங்கள் ஜெர்மன் விநியோகஸ்தரின் வழியாக உக்ரைனுக்கு சேவையை வழங்கி வருகிறோம். இது ஒரு ஆண்டு கால ஒப்பந்தமாகும்,” எனத் தெரிவித்துள்ளார்.
இது ஒரு புதிய இணைய போர்?
இந்த நடவடிக்கை, இணைய சேவைகளும் தற்போது போரின் ஒரு அங்கமாக மாறிவிட்டன என்பதை காட்டுகிறது. ஒருபுறம் ஸ்டார்லிங் விலகிய நிலையில், மற்றொருபுறம் Eutelsat அதே வேகத்துடன் பூர்த்தி செய்ய வருகிறது. இதனால், ஐரோப்பாவிலும், நாடுகளின் இணைய பாதுகாப்பு தனிநிலை குறித்து புதிய விவாதங்கள் உருவாகின்றன. இந்த புதிய இணைய கூட்டணி, உக்ரைனுக்கு உறுதியான ஆதரவா அல்லது மிகப்பெரிய இணைய அரசியலின் தொடக்கமா என்பது வருங்காலம் தான் சொல்லும்.