அமெரிக்காவின் 47வது அதிபராக டொனால்ட் டிரம்ப் பதவியேற்றார். இந்திய நேரப்படி திங்கள்கிழமை இரவு நடைபெற்ற இந்த விழாவில் முன்னாள் அதிபர்கள் பாரக் ஒபாமா, ஜார்ஜ் புஷ், பில் கிளிண்டன் உள்ளிட்ட பல முக்கிய பிரபலங்கள் கலந்து கொண்டனர். தனது ஆட்சியின் கீழ் அமெரிக்காவின் எதிர்காலம் குறித்து தனது உறுதியான நோக்கங்களை உரையில் தெரிவித்துள்ளார். இதில் உள்ள 5 முக்கிய அம்சங்களும் இந்தியாவை மட்டுமின்றி உலக நாடுகளையும் பாதிக்கும் வகையில் உள்ளன.
1. அமெரிக்கா-மெக்சிகோ எல்லை:
டிரம்ப், அமெரிக்கா-மெக்சிகோ எல்லையில் தேசிய அவசர நிலையை அறிவித்துள்ளார். சட்டவிரோத குடியேற்றத்தை தடுக்க கடுமையான நடவடிக்கைகள் எடுக்கப்படும் என்றும், “மெக்சிகோவிலேயே இருங்கள்” கொள்கை மீண்டும் நடைமுறைப்படுத்தப்படும் என்றும் கூறினார்.
2. பனாமா கால்வாய்:
பனாமா கால்வாயை சீனாவிடம் இருந்து மீண்டும் அமெரிக்க கட்டுப்பாட்டில் கொண்டு வர முயற்சிப்பேன் என்று டிரம்ப் உறுதிபூண்டார். இதனால் உலக வர்த்தக நடைமுறைகளில் சிக்கல்களை உருவாக்கும் வாய்ப்பு உள்ளது.
3. விண்வெளியில் அமெரிக்க அதிபத்துவம்:
அமெரிக்க விண்வெளி வீரர்கள் செவ்வாய் கிரகத்தில் கொடி நாட்டுவார்கள் என்று உறுதி தெரிவித்தார். இது அமெரிக்கா, ரஷியா மற்றும் சீனா போன்ற நாடுகளுக்கிடையே விண்வெளி ஆராய்ச்சியில் புதிய போட்டியை உருவாக்கலாம்.
4. மத்திய கிழக்கு அமைதி முயற்சிகள்:
மத்திய கிழக்கில் அமைதியை நிலைநாட்டுவேன் என்று கூறிய டிரம்ப், இஸ்ரேல்-பாலஸ்தீன் விவகாரத்தில் அமெரிக்கா மீண்டும் முக்கியப் பங்கு வகிக்கப் போவதாக தெரிவித்தார்.
5. “இரு பாலினங்கள் மட்டுமே” கொள்கை:
ஆண் மற்றும் பெண் என இரு பாலினங்களையே அரசுக்கொள்கையில் ஏற்றுக்கொள்வேன் என்று டிரம்ப் கூறினார்.
இந்தியாவை பாதிக்கும் அறிவிப்பு:
டிரம்ப் தனது உரையில் “தேசிய எரிசக்தி அவசரநிலையை” அறிவித்தார். அமெரிக்கா எண்ணெய் மற்றும் இயற்கை எரிவாயு ஆய்வுகளை விரைவுபடுத்தும் என்ற அவரது திட்டம் இந்தியா போன்ற நாடுகளில் எண்ணெய் இறக்குமதி செலவை அதிகரிக்கக் கூடும்.
இந்தியாவின் எண்ணெய் நுகர்வு 80% இறக்குமதியால் நிரப்பப்படுகிறது. எனவே, அமெரிக்காவின் எண்ணெய் கொள்கை மாற்றங்கள் நேரடியாக இந்திய பொருளாதாரத்தையும் பொருட்களின் விலையையும் பாதிக்கும் அபாயம் உள்ளது.
டிரம்பின் ஆட்சி அமெரிக்காவை மட்டுமின்றி உலக நாடுகளின் பொருளாதார, வர்த்தக மற்றும் சுற்றுச்சூழல் நிலையை புதிய கோணத்தில் முன்னேற்றவோ அல்லது சிக்கல்களை உருவாக்கவோ வாய்ப்பு உள்ளது.