மைக்ரோசாப்ட் சுமார் 6,000 ஊழியர்களை பணிநீக்கம் செய்துள்ளது, இது அதன் உலகளாவிய பணியாளர்களில் கிட்டத்தட்ட 3% ஆகும். இந்த நடவடிக்கை அந்த நிறுவன கட்டமைப்பை மறுசீரமைக்கும் முயற்சிகளின் ஒரு பகுதி என்று கூறப்படுகிறது. இந்த பணிநீக்கத்தில் செயற்கை நுண்ணறிவு இயக்குநரான “கேப்ரியெலா டி குய்ரோஸ்”என்பவரும் ஒருவர், அவர் நிறுவனத்தின் இந்த “கசப்பான” முடிவை சமூக ஊடகங்களில் பகிர்ந்து கொண்டார்.
“பகிர்ந்து கொள்ள கசப்பான செய்தி: மைக்ரோசாப்டின் சமீபத்திய சுற்று பணிநீக்கங்களால் நான் பாதிக்கப்பட்டேன். நான் சோகமாக இருக்கிறேனா? நிச்சயமாக. பணிநீக்கம் செய்யப்பட்டவர்களில் பல திறமையான நபர்களைப் பார்த்து நான் மனம் உடைந்தேன். இவர்கள் பணி மற்றும் நிறுவனம் மீது ஆழ்ந்த அக்கறை கொண்டவர்கள், உண்மையிலேயே ஒரு மாற்றத்தை ஏற்படுத்தியவர்கள்,” என்று அவர் சிரித்துக் கொண்டிருக்கும் படத்துடன் பதிவிட்டிருக்கிறார்.
2023 ஆம் ஆண்டில் மைக்ரோசாப்ட் தனது 10,000 பணியாளர்களை பணி நீக்கம் செய்ததை தொடர்ந்து இந்த சமீபத்திய பணிநீக்கம் செய்யப்பட்டுள்ளது. இது அதன் மொத்த பணியாளர்களில் 5% க்கும் குறைவானது.
தனது தயாரிப்புகள் மற்றும் சேவைகளில் AI ஐ விரைவாக ஒருங்கிணைக்கும் போது போட்டித்தன்மையுடனும் சுறுசுறுப்புடனும் இருக்க முயற்சிப்பதன் ஒரு பகுதியாக இந்த பணிநீக்கங்கள் இருப்பதாக மைக்ரோசாப்ட் தெரிவித்துள்ளது.
பொருளாதார நிச்சயமற்ற தன்மை மற்றும் சாத்தியமான மந்தநிலை காரணமாக நிறுவனம் எச்சரிக்கையுடன் செயல்படுவதாக மைக்ரோசாப்டின் தலைமை நிர்வாக அதிகாரி சத்யா நாதெல்லா குறிப்பிட்டார்.