வட கொரியாவில் நடைபெற்ற சமீபத்திய நாடாளுமன்றத் தேர்தலில், அந்த நாட்டின் தலைவரான கிம் ஜாங் தலைமையிலான ஆட்சிக்கு மிகப்பெரிய ஆதரவு கிடைத்ததாக அதிகாரப்பூர்வ தகவல்கள் தெரிவிக்கின்றன. 2026 மார்ச் 15ஆம் தேதி நடைபெற்ற இந்தத் தேர்தலில் 99.93% வாக்குகள் ஆதரவாக பதிவாகியுள்ளதாக வட கொரிய அரசின் ஊடகங்கள் அறிவித்துள்ளன.இந்தத் தேர்தலில் வாக்காளர் பங்கேற்பு 99.99% எனவும் கூறப்பட்டுள்ளது. மொத்தம் 687 உறுப்பினர்கள் உச்ச மக்கள் சபைக்கு தேர்வு செய்யப்பட்டுள்ளனர்.
ஒரே வேட்பாளர் – உண்மையான ஜனநாயகமா?
வட கொரிய தேர்தல் முறை உலக நாடுகளில் இருந்து முற்றிலும் மாறுபட்டது. ஒவ்வொரு தொகுதியிலும் ஒரே வேட்பாளர் மட்டுமே நிறுத்தப்படுகிறார். வாக்காளர்கள் “ஒப்புதல்” அல்லது “எதிர்ப்பு” தெரிவிக்கும் முறையே பயன்படுத்தப்படுகிறது. இதனால், இந்தத் தேர்தல்கள் “நாடகத் தேர்தல்” (rubber stamp election) என சர்வதேச அரசியல் ஆய்வாளர்கள் விமர்சித்து வருகின்றனர்.
0.07% எதிர்ப்பு – உலகம் கேட்கும் கேள்வி
இந்த முறை தேர்தலில் 0.07% வாக்குகள் எதிர்ப்பாக பதிவு செய்யப்பட்டதாக கூறப்பட்டுள்ளது. இதுவே உலகளவில் பெரும் விவாதத்தை ஏற்படுத்தியுள்ளது.சமூக வலைத்தளங்களில் “அந்த 0.07% பேர் யார்?” என்ற கேள்வி பரவலாக எழுந்துள்ளது.
இந்த செய்தி வட கொரியாவின் அரசியல் அமைப்பை மட்டும் அல்லாமல், “ஜனநாயகத்தின் உண்மையான அர்த்தம் என்ன?” என்ற கேள்வியையும் உலகளவில் எழுப்புகிறது.