தண்டவாளங்களில் யானைகள், சிங்கங்கள் மற்றும் புலிகளைக் காப்பாற்றுவதற்காக, ரயில் ஓட்டுநர்களுக்கு அரை கிலோமீட்டர் முன்னதாகவே எச்சரிக்கை விடுக்கும் வகையில், செயற்கை நுண்ணறிவு அடிப்படையிலான கேமராக்களைப் ரயில்வே துறை பொருத்தியுள்ளது.
யானைகளின் நடமாட்டத்தைக் கண்டறிவதற்காக, விநியோகிக்கப்பட்ட ஒலி அமைப்புடன் கூடிய செயற்கை நுண்ணறிவுத் திறன் கொண்ட ஊடுருவல் கண்டறிதல் அமைப்பும் ரயில் தண்டவாளங்களில் நிறுவப்பட்டுள்ளது.
யானைகள் ரயில் மோதல்களைத் தடுக்கும் நோக்கில், வடகிழக்கு எல்லைப்புற ரயில்வேயில் 141 வழித்தட கிலோமீட்டர்களுக்கு இந்த அமைப்பு செயல்படுத்தப்பட்டுள்ளது. இந்த அமைப்பு வெற்றிகரமாகச் செயல்பட்டு வருகிறது. அதன் செயல்திறனின் அடிப்படையில், இந்திய ரயில்வே முழுவதும் செயல்படுத்துவதற்காக 981 வழித்தட கிலோமீட்டர்களுக்கு மேலும் ஒப்பந்தங்கள் வழங்கப்பட்டுள்ளன.
இதன் மூலம், மொத்த பாதுகாப்புப் பகுதி 1,122 வழித்தட கிலோமீட்டர்களாக விரிவடையும். இந்த அமைப்பு ரயில் தண்டவாளங்களுக்கு அருகில் யானைகளின் நடமாட்டம் குறித்து ரயில் ஓட்டுநர்கள், நிலைய மாஸ்டர்கள் மற்றும் கட்டுப்பாட்டு அறைகளுக்கு நிகழ்நேர எச்சரிக்கைகளை உருவாக்குகிறது, இது சரியான நேரத்தில் தடுப்பு நடவடிக்கைகளை எடுக்க உதவுகிறது.