நோய் எதிர்ப்பு சக்தி குறைந்த நோயாளி ஒருவர் இந்தத் தொற்றால் உயிரிழந்ததைத் தொடர்ந்து, பிரான்சில் ஷமோண்டா வைரஸால் மனிதர்களுக்கு ஏற்பட்ட முதல் தொற்று உறுதி செய்யப்பட்டுள்ளதாக உலக சுகாதார அமைப்பு (WHO) தெரிவித்துள்ளது.
இந்த வைரஸ் இதற்கு முன்னர் மாடுகள், செம்மறி ஆடுகள், வெள்ளாடுகள் மற்றும் குதிரைகள் உள்ளிட்ட விலங்குகளில் மட்டுமே கண்டறியப்பட்டதாக உலக சுகாதார அமைப்பின் தலைமை இயக்குநர் டெட்ரோஸ் அதானோம் கெப்ரேயஸ் கூறியுள்ளார். ஈ போன்ற சிறிய பூச்சிகளான மிட்ஜஸ் (Midges) கடிப்பதன் மூலம் இந்த வைரஸ் விலங்குகளிடையே பரவுவதாக நம்பப்படுகிறது. இருப்பினும், இந்தத் தொற்று நோயாளிக்கு எவ்வாறு பரவியது என்பதை உறுதிப்படுத்தவும், பொது சுகாதார அபாயங்களை மதிப்பிடவும் மேலதிக ஆய்வுகள் தேவைப்படுகின்றன.
இதற்கிடையில், நைஜீரியாவின் அபுஜாவில் வெளிநாட்டிலிருந்து வந்த எபோலா புண்டிபுக்யோ வைரஸ் நோய்த் தொற்று உறுதி செய்யப்பட்டுள்ளது. சுகாதார அதிகாரிகள் கண்காணிப்பிற்காக 44 நபர்களை அடையாளம் கண்டுள்ளனர்.