இந்திய பாஸ்போர்ட் வைத்திருப்பவர்களுக்கு மகிழ்ச்சியான செய்தியை French Embassy வெளியிட்டுள்ளது. பிரான்ஸ் நாட்டின் விமான நிலையங்களை வழியாக மற்றொரு நாட்டிற்கு பயணம் செய்யும் இந்தியர்களுக்கு இனி முக்கிய தளர்வு வழங்கப்பட்டுள்ளது.
2026 ஏப்ரல் 10 முதல் அமலுக்கு வந்துள்ள புதிய விதிகளின்படி, சாதாரண இந்திய பாஸ்போர்ட் வைத்திருப்பவர்கள் France விமான நிலையங்கள் வழியாக இடைநிலையாக (Transit) பயணம் செய்யும்போது, விமான நிலையத்தை விட்டு வெளியே வராமல் சர்வதேச பகுதிக்குள் மட்டுமே தங்கினால், Airport Transit Visa (ATV) தேவையில்லை என அறிவிக்கப்பட்டுள்ளது.
இந்த சலுகை, குறிப்பாக விமானம் மாற்றிக் கொள்ளும் பயணிகளுக்கு பெரும் உதவியாக இருக்கும். ஆனால், பயணிகள் விமான நிலையத்தின் சர்வதேச பகுதியை விட்டு வெளியே வந்தால், வழக்கமான விசா விதிகள் பொருந்தும் என்பதும் குறிப்பிடப்பட்டுள்ளது.
பிரான்ஸ் மட்டுமல்லாமல், உலகின் பல முக்கிய போக்குவரத்து மையங்களும் இந்தியர்களுக்கு இதேபோன்ற சலுகைகளை வழங்கி வருகின்றன.
- Germany: 2026 ஜனவரி முதல், சர்வதேச பகுதியில் தங்கினால் ATV தேவையில்லை
- Netherlands: Amsterdam Airport Schiphol வழியாகப் பயணம் செய்தால் பொதுவாக விசா தேவையில்லை
- Spain & Switzerland: Airside transit பயணிகளுக்கு விசா விலக்கு
- United Arab Emirates (துபாய்) & Qatar: விமான நிலையத்துக்குள் இருந்தால் விசா தேவையில்லை
- Singapore & Thailand: குறிப்பிட்ட நேர வரம்புக்குள் transit பயணத்திற்கு விசா தேவையில்லை
இந்த புதிய தளர்வுகள் இந்திய பயணிகளுக்கு சர்வதேச பயணத்தை எளிதாக்குகின்றன. இருப்பினும், ஒவ்வொரு நாட்டின் விதிமுறைகளும் நேரம், விமான நிறுவனம், மற்றும் பயண திட்டம் போன்றவற்றைப் பொறுத்து மாறக்கூடும். எனவே, பயணம் முன் சம்பந்தப்பட்ட விமான நிறுவனம் அல்லது தூதரகத்தின் அதிகாரப்பூர்வ அறிவிப்புகளை சரிபார்ப்பது அவசியம்.