ரஷ்யாவின் முதல் துணைப் பிரதமரான டெனிஸ் மாந்துரோவ், புது தில்லியில் பிரதமர் நரேந்திர மோடியைச் சந்தித்துப் பேசினார். நேற்று நடைபெற்ற இச்சந்திப்பின் போது, வர்த்தகம் மற்றும் பொருளாதாரக் கூட்டாண்மை, உரங்கள், போக்குவரத்து இணைப்பு மற்றும் மக்கள்-மக்களுக்கு இடையிலான உறவுகள் உள்ளிட்ட பரஸ்பர நன்மை பயக்கும் பல்வேறு ஒத்துழைப்புத் துறைகளில் ஏற்பட்டுள்ள முன்னேற்றங்கள் குறித்து திரு. மாந்துரோவ் பிரதமரிடம் விளக்கினார்.
கடந்த ஆண்டு டிசம்பர் மாதம் புது தில்லியில் நடைபெற்ற 23-வது இந்தியா-ரஷ்யா வருடாந்திர உச்சிமாநாட்டிற்காக, ரஷ்ய அதிபர் விளாடிமிர் புதின் இந்தியா மேற்கொண்ட வெற்றிகரமான பயணத்தை பிரதமர் மோடி நினைவுகூர்ந்தார்.
இந்தியா-ரஷ்யா இடையிலான ‘சிறப்பு மற்றும் முன்னுரிமை அளிக்கப்பட்ட உத்திசார் கூட்டாண்மையை’ மேலும் வலுப்படுத்தும் நோக்கத்துடன், அந்த வருடாந்திர உச்சிமாநாட்டின் முடிவுகளைச் செயல்படுத்துவதில் இரு தரப்பினரும் மேற்கொண்டு வரும் தொடர் முயற்சிகள் குறித்து திரு. மோடி தனது திருப்தியைத் தெரிவித்தார்.