தமிழ்நாடு சட்டமன்றத் தேர்தலுக்கும், மேற்கு வங்க சட்டமன்றத் தேர்தலின் முதல் கட்டத்திற்கும் வேட்புமனுத் தாக்கல் இன்று தொடங்குகிறது. தமிழ்நாட்டிலுள்ள 234 சட்டமன்றத் தொகுதிகளுக்கும் ஒரே கட்டமாக, ஏப்ரல் 23-ஆம் தேதி தேர்தல் நடைபெற உள்ளது. தமிழ்நாட்டிற்கான வேட்புமனுத் தாக்கல் ஏப்ரல் 6-ஆம் தேதியுடன் நிறைவடையும்; வேட்புமனுக்கள் மீதான பரிசீலனை மறுநாள் மேற்கொள்ளப்படும். வேட்புமனுக்களைத் திரும்பப் பெறுவதற்கான கடைசி நாள் ஏப்ரல் 9 ஆகும்.
மேற்கு வங்கத்தில், முதல் கட்டமாக 152 சட்டமன்றத் தொகுதிகளுக்கு ஏப்ரல் 23-ஆம் தேதி தேர்தல் நடைபெற உள்ளது. வேட்புமனுத் தாக்கல் செய்வதற்கான கடைசி நாள் ஏப்ரல் 6 ஆகும்; வேட்புமனுப் பரிசீலனை மறுநாள் நடைபெறும். வேட்புமனுக்களைத் திரும்பப் பெறுவதற்கான கடைசி நாள் அடுத்த மாதம் 9-ஆம் தேதியாகும். மேற்கு வங்க சட்டமன்றத் தேர்தலின் இரண்டாம் கட்டத்திற்கான அறிவிக்கை ஏப்ரல் 2-ஆம் தேதி வெளியிடப்பட உள்ளது.