திருநங்கையர் (உரிமைகள் பாதுகாப்பு) சட்டத் திருத்த மசோதா, 2026-ஐ நாடாளுமன்றம் நிறைவேற்றியுள்ளது; இம்மசோதாவிற்கு மாநிலங்களவை நேற்று ஒப்புதல் அளித்தது. முன்னதாக, எதிர்க்கட்சிகள் வெளிநடப்பு செய்துகொண்டிருந்த சூழலில், கடந்த செவ்வாய்க்கிழமையன்று மக்களவையில் குரல் வாக்கெடுப்பு மூலம் இம்மசோதா நிறைவேற்றப்பட்டது. இம்மசோதா திருநங்கையர் பிரிவை மறுவரையறை செய்ய முற்படுகிறது; ‘சுயமாக உணரும் பாலின அடையாளம்’ குறித்த விதியை நீக்குவதுடன், பல்வேறு சமூக-பண்பாட்டு அடையாளங்களையும், ‘டிரான்ஸ்-மாஸ்குலின்’ (transmasculine) தனிநபர்களையும் தனது வரம்பிலிருந்து விலக்குகிறது.
மாநிலங்களவையில் இம்மசோதா மீதான விவாதத்திற்குப் பதிலளித்த சமூக நீதி மற்றும் அதிகாரமளித்தல் துறை அமைச்சர் டாக்டர் வீரேந்திர குமார், திருநங்கையர் சமூகத்தின் நலன் மீது அரசு மிகுந்த கருணை கொண்டுள்ளது என்று தெரிவித்தார். திருநங்கையருக்கு அதிகாரமளிக்கவும், அவர்களுக்கு கண்ணியத்தை வழங்கவும் இம்மசோதாவில் விதிகள் உள்ளதாக அவர் கூறினார். திருநங்கையரைச் சமூகத்தின் மைய நீரோட்டத்திற்குக் கொண்டுவரவும், அவர்களுக்கு எதிரான பாகுபாட்டைத் தடுக்கவும் அரசு பல்வேறு முன்னெடுப்புகளை மேற்கொண்டுள்ளதாக அமைச்சர் குறிப்பிட்டார்.