டில்லி மற்றும் அதன் சுற்றுவட்டாரப் பகுதிகளில் காற்று மாசு தினமும் அதிகரித்து வருவதால், மக்கள் ஆரோக்கியத்திற்கு கடுமையான ஆபத்துகள் உருவாகி வருகின்றன. இதனால், அரசு அவசர நடவடிக்கைகளை மேற்கொண்டு, காற்று மாசு கட்டுப்பாட்டு விதிகளை மேலும் தீவிரப்படுத்தியுள்ளது.
சமீபத்திய அளவீட்டின்படி டில்லி மற்றும் அதன் அருகிலுள்ள குருக்ராம், நொய்டா, ஃபரீதாபாத், காசியாபாத் போன்ற பகுதிகளில் காற்று தரக்குறியீடு (AQI) 450 என பதிவாகியுள்ளது. இது ‘மிகவும் மோசமானது’ (Severe) என வகைப்படுத்தப்படுவதோடு, நீண்ட நேரம் வெளியில் இருப்பவர்களுக்கு உடனடியாக நுரையீரல் தொடர்பான பிரச்சனைகளையும், மூச்சுத்திணறலையும் ஏற்படுத்தக்கூடிய நிலை என நிபுணர்கள் எச்சரித்துள்ளனர்.
GRAP நடவடிக்கைகள் துரிதப்படுத்தப்பட்டது:
காற்று மாசு அதிகரிக்கும் சூழ்நிலையில், GRAP – Graded Response Action Plan எனப்படும் அடுக்கடுக்கான அவசர நடவடிக்கை திட்டம் செயல்படுத்தப்பட்டுள்ளது. கடந்த ஆண்டுகளில் தொகுக்கப்பட்ட நிபுணரின் ஆலோசனைகளின் அடிப்படையில், தற்போது நான்காவது நிலை கட்டுப்பாடுகள் (Stage-IV) மூன்றாம் நிலை (Stage-III) செயல்முறைக்கு மாற்றப்பட்டுள்ளன.
காற்று தரம் 401 – 450 என்ற மிக ஆபத்தான புள்ளிக்கு உயர்ந்ததால், முன்தினம் முதல் இந்த கட்டுப்பாடுகள் நடைமுறைக்கு வந்துள்ளன.
அரசு மற்றும் தனியார் அலுவலகங்களுக்கு புதிய வழிமுறைகள்:
GRAP விதிகளின்படி:
- டில்லி மற்றும் சுற்றுவட்டாரங்களில் உள்ள அரசு, தனியார் அலுவலகங்கள் 50% பணியாளர்களுடன் செயல்பட முடியும்.
- மீதமுள்ளவர்கள் வீட்டிலிருந்த பணி புரியும் முறையில் (Work From Home) பணியாற்ற அறிவுறுத்தப்பட்டுள்ளனர்.
- கட்டுமானப் பணிகள், பாதை பணி, கல் நொறுக்குமின் தொழிற்சாலை உள்ளிட்ட தூசி உமிழும் செயல்பாடுகள் தற்காலிகமாக நிறுத்தப்பட்டுள்ளன.
விதிமீறல் வாகனங்களுக்கு அபராத வசூல்:
காற்று மாசு கட்டுப்பாட்டு நடவடிக்கைகளை மீறிய வாகன ஓட்டிகளிடமிருந்து அபராத வசூலும் துரிதப்படுத்தப்பட்டுள்ளது. அக்டோபர் 14 முதல் நவம்பர் 18 வரை, மாசு கட்டுப்பாட்டு சான்றிதழ் (PUC) இன்றி பயணித்த 84,981 வாகன ஓட்டிகளிடமிருந்து ரூ.84.98 கோடி அபராதம் பெற்றதாக டில்லி போக்குவரத்து போலீசார் புள்ளிவிவரம் வெளியிட்டுள்ளனர். ஒருவருக்கு ரூ.10,000 வீதம் அபராதம் விதிக்கப்பட்டுள்ளது என கூறப்பட்டுள்ளது.
மாசு காரணமாக ஆஸ்துமா, இதயத்துடிப்பு சீர்குலைவு, கண் எரிச்சல் உள்ளிட்ட உடல்நலப் பிரச்சனைகள் அதிகரித்துள்ளதால், மருத்துவ நிபுணர்கள் தேவையற்ற பயணங்களை தவிர்க்கவும், மாசுக் காத்து முக கவசம் பயன்படுத்தவும் வேண்டுகோள் விடுத்துள்ளனர்.
காற்று மாசுக்கு எதிரான போராட்டம் தொடர்கிறது – மக்கள் ஒத்துழைப்பு அவசியம் என அரசு வலியுறுத்துகிறது.