5 முதல் 15 வயது வரையிலான பள்ளிக் குழந்தைகளுக்கான ஆதார் கட்டாய பயோமெட்ரிக் புதுப்பிப்புகள்-MBU-வை சரியான நேரத்தில் உறுதி செய்யுமாறு நாடு முழுவதும் உள்ள பள்ளிகளை இந்திய தனித்துவ அடையாள ஆணையம் – UIDAI கேட்டுக் கொண்டுள்ளது.
UIDAI தலைமை நிர்வாக அதிகாரி புவனேஷ் குமார் இது தொடர்பாக அனைத்து மாநிலங்கள் மற்றும் யூனியன் பிரதேசங்களின் தலைமைச் செயலாளர்களுக்கும் கடிதம் எழுதி, இலக்கு வைக்கப்பட்ட MBU முகாம்களை நடத்துவதில் ஆதரவளிக்குமாறு கேட்டுக் கொண்டுள்ளார்.
கிட்டத்தட்ட 17 கோடி குழந்தைகளுக்கான ஒருங்கிணைந்த மாவட்ட கல்வி தகவல் அமைப்பு பிளஸ் தளத்தில் ஆதாரில் நிலுவையில் உள்ள MBU-வை எளிதாக்க UIDAI மற்றும் கல்வி அமைச்சகம் ஒத்துழைத்துள்ளதாக மின்னணு மற்றும் தகவல் தொழில்நுட்ப அமைச்சகம் ஒரு அறிக்கையில் தெரிவித்துள்ளது.
ஒருங்கிணைந்த மாவட்ட கல்வி தகவல் அமைப்பு பிளஸ் என்பது பள்ளிக் கல்வி மற்றும் எழுத்தறிவுத் துறையின் கீழ் உள்ள ஒரு கல்வி மேலாண்மை தகவல் அமைப்பாகும், மேலும் பள்ளிக் கல்வி தொடர்பான பல்வேறு புள்ளிவிவரங்களை சேகரிக்கிறது. UIDAI மற்றும் பள்ளிக் கல்வித் துறையின் இந்தக் கூட்டு முயற்சி, குழந்தைகளின் பயோமெட்ரிக்ஸைப் புதுப்பிப்பதை எளிதாக்குவதில் நீண்ட தூரம் செல்லும் என்று எதிர்பார்க்கப்படுகிறது.