அர்ஜென்டினாவில் ஒரு நபரை அவரது கொல்லைப்புறத்தில் முழு நிர்வாணமாக புகைப்படம் “கூகிள் ஸ்ட்ரீட் வியூ கார்” புகைப்படம் எடுத்து பதிவேற்றம் செய்திருக்கிறது. இதனால் தொழில்நுட்ப நிறுவனமான கூகிள் $12,500 அபராதம் செலுத்த வேண்டிய கட்டாயம் ஏற்பட்டிருக்கிறது.
உண்மையில், புகைப்படங்கள் அனைவரும் பார்க்கும் வகையில் ஆன்லைனில் வெளியிடப்பட்டிருக்கிறது. அர்ஜென்டினாவின் உள்ளூர் நீதிமன்றம் இந்த தீர்ப்பை வழங்கியுள்ளது. இந்த வழக்கு நிச்சயமாக டிஜிட்டல் உலகில் தனியுரிமை, தொழில்நுட்பம் மற்றும் பொறுப்பு குறித்து சில கேள்விகளை எழுப்புகிறது.
ஒரு போலீஸ் அதிகாரியான அந்த நபர், 6 அடி உயர சுவருக்குப் பின்னால் இருந்த போதிலும், கூகிள் ஸ்ட்ரீட் வியூ கார், 2017 ஆம் ஆண்டு இந்த புகைப்படத்தை எடுத்ததாகவும், எடுக்கப்பட்ட இந்த புகைப்படம் தனது கண்ணியத்திற்கு தீங்கு விளைவித்ததாகவும், பணியிடத்திலும் தனது அண்டை வீட்டாரிடையேயும் கேலிக்குரியதாக மாறியதாகவும் கூறியிருக்கிறார்.
இந்தப் படத்தை இணையத்தில் பதிவேற்றும்போது, கூகிள் அந்த நபரின் வீட்டு எண்ணையோ அல்லது தெருப் பெயரையோ மங்கலாக்கவில்லை. தனியுரிமை மீறல்கள் தொடர்பான கூகிள் கொள்கைகள் உண்மையில் கடுமையானவை, ஏனெனில் இதுபோன்ற சந்தர்ப்பங்களில் முகங்கள் பொதுவாக அவற்றின் அமைப்புகளால் தானாகவே மங்கலாக்கப்படும், மேலும் பயனர்கள் கூகிளின் “ஒரு சிக்கலைப் புகாரளிக்கவும்” என்ற அம்சத்தைப் பயன்படுத்தி சிக்கலை மேலும் புகாரளிக்கலாம்.
2019 ஆம் ஆண்டில், அந்த நபர் கீழ் நீதிமன்றத்தில் வழக்கு தொடர்ந்தார். ஆனால் அவரது மனு தள்ளுபடி செய்யப்பட்டது. இருப்பினும், அவர் உயர் நீதிமன்றத்தில் மேல் முறையீடு செய்தார். இந்த மாதம் தீர்ப்பை அறிவித்தது உயர் நீதிமன்றம். கூகிள் தனது வாதத்தில், தனியுரிமைக்கான எந்தவொரு நியாயமான எதிர்பார்ப்பையும் அளிக்கும் அளவுக்கு சுற்றுச்சுவர் உயரமாக இல்லை என்று கூறியது. ஆனால், நீதிமன்றம் அந்த நபருக்கு ஆதரவாக தீர்ப்பளித்தது, மேலும், “இது ஒரு பொது இடத்தில் அல்ல, ஆனால் அவர்களின் வீட்டின் எல்லைக்குள், சராசரி அளவிலான நபரை விட உயரமான வேலிக்குப் பின்னால் பிடிக்கப்பட்ட ஒரு நபரின் படத்தை உள்ளடக்கியது” என்று கூறியது.
நீதிமன்றம் கூகிளின் செயலை “தனியுரிமையின் மீதான அப்பட்டமான படையெடுப்பு” என்று அழைத்தது.